Hemşaredarê Şaredarîya Amedî ya Şaristanê Girdî Serra Bucak û Dogan Hatun beşdarê pîrozkerdişê Newroze bîyî û Newroza şarî pîroz kerd.
Hetê Partîya Seypêyî û Demokrasîya Şaran (DEM Partî) ra Parka Newroze ya qezaya Baglarî de pîrozkerdişê Newroze ame viraştene. Pîrozkerdişî de Hemşaredarê Şaredarîya Şaristanê Girdî Serra Bucak û Dogan Hatunî reyde temsîlkarê partîyanê sîyasîyan û dezgehanê komelkî yê sivîlan û şar zî beşdar bîyî.
- Hemşaredar Bucak: Amed bajarê aştî yo
Hemşaredarî Bucak û Hatun vejîyayî sahne ser û silam da şarî. Hemşaredar Bucak ke programî de qisey kerd, beşdaran ra va “şima bixeyr ameyî” û qiseykerdişê xo wina dewam kerd: “Wa şarê Amedî, Mayê Aştî, cinîyê têkoşerî; şima zaf weş zanê ke Amed bajarê aştî yo, seypêyî yo, azadîye yo û hêvî yo. No îrade, îradeyê aştî, seypêyî û azadîye yo. No îrade do şaranê Tirkîya rê aştî bîyaro. Prosesê muhîmî de yê. No proseso newe yê komelê demokratîkî, berhemê keda şima yo. Şarê ma yo ezîz, ez şima heme bi heskerdi verar kena. Newroze pîroz bo.”
Pîrozkerdişê Newroze, badê qiseykerdiş bi veşnayîşê adirê Newroze dewam kerd.
