Dewaya Hemşaredara Sêrtê Sofya Alagaşî de 6 serr û 3 aşmî cezaya hepisî ameye dayene
Roniştişê 7. yê dewaya Hemşaredara Sêrtî Sofya Alagaş ke wexto ke xebatê rojnamegerîye kerdêne bi îdiaya “Endamtîya rêxistine” ameyêne muhakemekerdene, Mehkemeya Cezayanê Giranan ya 5. ya Amedî de ameye kerdene. Sofya Alagaş tewrê roniştişî nêbîye la avûkatê aye Resûl Tamur û Pîrozxan Karali Guler roniştişî de amade bîyê. Endamê Şaredarîya Sêrtî, hemşaredarê qeza û şaristanekanê Sêrtî, MKG, DFG, MLSA, rêxistinê şaristan û qezayan yê DBP û DEM Partî yê Amed û Sêrtî, Baroyê Amedî, Serekê Baroyê Sêrtî Muhammet Alptekîn, Konsolosxaneyê Elmanyayî, parlamenterê DEM Partî zî tewrê roniştişî bîyê.
Roniştişî ra ver xeylê polîsî vernîya edlîya de bi ca bîyê.
Mehkeme pawitişan ra pey, bi îdiaya “Endamtîya rêxistinî” 6 serr û 3 aşmî cezaya hepsî daye Sofya Alagaş.
