Hemşaredarê Peyasî Berîvan Gulşen Sîncar û Cengîz Dundar 21ê Sibate ser o aşkerayêk da û vatê ke her warê cuya de bi ziwanê dayîke xizmetgirewtiş heqêko dinyayî yo, Roja Ziwanê Dayîke yê Dinya seba şarê ma pîroz bo.
Hemserekê Şaredarîya Kayapinarî Berîvan Gulşen Sîncar û Cengîz Dundar bi munasebeta 21ê Sibate Roja Ziwanê Dayîke ya Dinya vîdeo reyde mesajêk pare kerd.
Hemşaredar Berîvan Gulşen Sîncar bi zaravaya kurmancî vîdeo de qise kerd û va: “Ziwanê dayîke, pêrabesteyê tarîx, komel û kulturî yo. No ser eke ma ziwanê dayîka xo ra wayîr bivejê do komel zî kulturê xo ra wayîr bivejo. Her warê cuya de bi ziwanê dayîke xizmetgirewtiş heqêko dinyayîye yo. Roja Ziwanê Dayîke yê Dinya seba şarê ma pîroz bo.”
3 hezar ziwanî vînî beno
Hemşaredar Cengîz Dundar zî bi zazakî vîdeo de qise kerd û wina va: “Nika ser Dinya de 7 hezar ziwanî yenê qisekerdene, çi heyfo ke 3 hezar ziwanî vînîbîyayişî de rî bi rî de yê. Mergê yew ziwanî, mergê şarêkî yo. Bi ziwanê dayîka xo cuyakerdene û perwerdegirewtene heqêko dinyayîye yo. Roja Ziwanê Dayîke yê Dinya seba şarê ma pîroz bo.”
