Hemserekê DEM Partîye rewşa weşîya Endamê Heyetê Îmraliyî Sirri Sureyya Onder ser o verê nêweşxaneyî de beyanat da.
Hemserekê DEM Partîye rewşa weşîya Endamê Heyetê Îmraliyî Sirri Sureyya Onder ser o verê Nêweşxaneyê Florence Nîgtîngale de beyanat da.
Hemserekê DEM Partîye Tuncer Bakirhan verê qiseyê rojnamegeran silam kerd û keddayîşê înan ra zî spas kerd û wina va: “Birêz Serekkomar, Birêz Serekê TBMM’î, serekê partîyanê sîyasîyan, rêxistinê demokratîkî û STK’î û heme renganê Tirkîya ra spasîya xo pêşkêş kena. Tirkîya heme dorûverî ra kesî rewşa Sirri Sureyya Onder meraq kerdê û seba hetkarîdayîşî zî ameyê ewta. Xo ra doktoran rewşa Onderî ser o agahî raya pêroyî rê, ez nêwazena agahîdayîşê înan ser o çik bivaja.”
Tuncer Bakirhan destnîşan kerd ke ê zî agahîdayîşê rayberîya nêweşxaneyî esas gênê û wina domna: “Wa şarê ma qet spekulasyonan ra bawer nêkero. Sirri Sureyya Onder kesêko xoverdakar o, bi serran seba aştî û demokrasi têkoşîn da. Ma bawerê ke na badîre ra zî do xilas bibo, Sirri Sureyya Onder bi duaya şaranê ma do hewna şaran reyde têhet bêro. Ma bawer ê, têkoşîn û xover dano. Ma hêvî kenê ke do bireso ma, nê rojî rojê tarîxî yê. Şima zî temaşe kerdê, heme şaranê Tirkîya ewta de bîyê û rewşa Sirri Sureyya Onderî meraq kerdê. Seba têkoşîndayîşê aştî yê Onderî ser o şaran Onderî reyde ameyê têhet. Ma bawer kenê ke senî weşîya Onderî ra vejîya do rojê ameyox de têkoşînê Onderî yê aştî ra wayîr bivejê.”
Bakirhan tewro peynî ard ziwan ke doktoran aşkera kerdê ke her ke şono rewşa ci weş bena û wina qedîna: “Ma zî doktoran ra bawer kenê. Nêweşxaneyêko tewro rind de Onder tedawî vîneno, ma bawerê ke bi doktorê serkewte de Sirri Sureyya Onder weşîya xo ra bireso. Ma şima hemin rê spas kenê.”
