Demêko winasîn de ke xeylê welatî Filîstînî sey dewlet nas kenê, hêrişê Îsraîlî yê vera Xeza dewam kenê. Hêrişanê Îsraîlî de 17 filîstînijî ameyê kiştene.
Demêko winasîn de ke xeylê welatî amadekarî kenê ke Filîstînî sey dewlete qebul bikerê, Îsraîl hêrişanê xo yê vera Filîstînî domnena. Îsraîlî 7 rojî ra ver seba îşxalkerdişê Şerîdê Xezayî hêrişê bejayî dabi destpêkerdene û no hêriş dewam keno. Goreyê xebera Al Jazeerayî encamê hêrişanê hewa û bejayî yê Îsraîlî yê ewro de tewr kêm 17 kesan cuya xo vîndî kerda.
Goreyê daneyanê Wezaretê Weşîye yê Xeza, 7ê teşrîna verêne ya 2023î ra heta nika tewr kêm 65 hezar û 344 kesî hêrişanê Îsraîlî de ameyê kiştene û tewr kêm 166 hezar û 795 kesî zî birîndar bîyê.
