Girewteya bi nameyê Ronahî Sirdaş ke Hepisxaneyê Cinîyan ê Bunyanî yê Kayserî de yena tepiştiş, dîyar kerd ke wexto ke ê semedê kontrolî berdêne nêweşxane, rastê hêrişê girewteyanê edlî ameyê.
Girewteya bi nameyê Ronahî Sirdaş ke Hepisxaneyê Cinîyanê Bunyanî yê Kayserî de yena tepiştiş, vizêrî telefon de maya xo Emîne Sirdaş reyde qisey kerd û vat ke ê rastê hêrişê girewteyanê edlî ameyê.
Ronahî Sirdaşe telefon de wina vat: “30ê nîsane de 3 embazê ma şîyî nêweşxane. Uca de rastê hêrişê girewteyanê edlî ameyî. Ma îdareyî reyde pêvînayîş kerd û înan vat, ‘do babeta ewleyî de kemaneyêk nêvejîya.’ Ronahî Sirdaşe va, 6ê gulane de zî hêrişêk bi eynî rengî ameyo kerdiş û wina dewam kerd: “Wexto ke ez û 3 embazê mi semedê kontrolê rûtînî yê nêweşxaneyî ma şîyê, ma rastê hêrişî ameyî. Ma rê heqaret kerd. Girewteyanê edlî hêrişê embazanê ma kerd û paşkil eştî. Girewteyê bînî yê edlî zî waşt ke hêriş bikerê. Nê ser o hedîseyêka kilme qewimîyaye.”
Ronahî Sirdaşe tewr peyên va: “Ma nêzanê ke kam înan har keno. La bi hewayêko rêxistinkerde û plankerde hêriş kenê.”
