Rixmo ke Xeza de zafaneyê înan gede û cinî 193 hezar Filîstînijan cuya xo vîndî kerde û zafêrê 10 hezar kesî vîndî bîyê zî hêzê Îsraîlî vera şarê Xezayî hêrişanê xo domneno û vengdayîşanê mîyanneteweyîyan ê seba vindarnayîşê şerî peygoş keno.
Ajansê Xeberan ê fermî yê Filîstînî WAFA’yî eşkerayîya xo ya ewroyî de dîyar kerd ke encamê hêrişanê topvaranî yê vera merkez û rojawanê Xan Yûnisî û herêmanê bînan ê Xezayî de gedeyî zî tede 14 Filîstînija cuya xo vîndî kersa û bi desan kesî zî birîndar bîyê.
Programê Xida yê Dinya zî seba resnayîşê hetkarîya merdimîye ya seba heme sîvîlanê Xezayî vengdayîşê rayîranê ewle kerd û dîyar kerd ke ganî rayîrê kamyonan û nuqtayê vilakerdişê hetkarîya merdimî zî heme çalakîyanê leşkerî ra bêrê pakkerdene. Reyna vengda ke Xeza de adirbestêko lezgîn û mende bibo.
