Ame vatene ke artêşa Îsraîlî şaristanokê Yanûh ê başûrê Lubnanî de erebayêk bombabaran kerda. Encamê bombabaranî de 3 kesî ameyê kiştene. Îsraîlî zî îdia kerd ke înan endamêkê Hîzbullahî hedef girewto.
Wezaretê Weşîye yê Lubnanî bi eşkerayîyêk dîyar kerd ke artêşa Îsraîlî şaristanokê Yanûh ê qezaya Siwere yê başûrê Lubnanî de erebayêk bombabaran kerda. Encamê hêrişî de yewê ci gedeyêko 3 serre, 3 kesî ameyê kiştene.
Artêşa Îsraîlî zî derheqê hêrişî de eşkerayî daye. Eşkerayî de dîyar kerd ke hêriş bi dronêk ameyo kerdene û îdia kerd ke endamêkê Hîzbullahî ameyo hedefgirewtene. Artêşa Îsraîlî hêrişî sey cewabê hemverê binpaykerdişê adirbestî erjna.
