Çeteyê HTŞ û SMO’yî bi dronan derûdorê dewa Resem El Îmam a Dêr Hefir û dewê El Keyarîya û Resem El Kirûmî bi çekanê giran gulebaran kenê. Nê mabênî de konvoyêkê leşkerî yê DYA’yî de zî şi Dêr Hefir.
Hêrişê çeteyanê HTŞ û SMO’yî yê vera cepheyanê Dêr Hefir û Mesken ê Vakur û Rojhelatê Sûrîye dewam kenê. Çeteyan serê sibayî bi çekanê giran Dêr Hefir gulebaran kerd. Sewbîna dima ra zî bi dronan derûdorê dewa Resem El Îmam bombaran kerd. Eynê wextî de dewê El Keyarîya û Resem El Kirûm bi çekanê doçka ameyê gulebarankerdene.
Saetanê nîmrojî de zî grûbêka çeteyan bi çekanê normal dewa El Hmid ke kewena vakurê Meskenî, gulebaran kerd. Sewbîna zafêrê 20 top û dronêka xokiştox da şaristanê Dêr Hafirî ro. Eynê wextî de teyareyê bêmerdim asmênê herême ra gêrenê.
Konvoyê hemkarî Dêr Hefir de yo
Hêrişanê çeteyan reyde konvoyêkê leşkerî yê Koalîsyonê Hemkarî yê Mîyandewletî zî resa Dêr Hefir. Bi munasebetê ewleyîya konvoyî zî teyareyê kifşî yê Hemkarîye asmênê Dêr Hefirî de ameyê vînayene.
