Hetkarîya ke hetê sazgehanê zerrîwazan ê Başûrê Kurdîstanî ra amebî erşawitene, koçberê ke Qamişlo de bi ca bîyê, înan rê yena vilakerdene.
Heyva Sor a Kurde ewro paketê werdî yê ke hetê Dezgehê Kerkûkî yê Zerrîwaz ra amebî erşawitene, hezar û 100 keyeyê koçberan rê vila kerdî.
Hetkarî Stadyumê Şehîdanê 12ê Adare de koçberanê Efrînî, Şehbaye û Helebî yê taxanê Kornîş û Xerbî, yê şaristanê Qamişlo manenê, ameyê vilakerdene. Vilakerdişê hetkarî do siba taxanê Kornîş, Hilêlîyê, Qidûrbeq, Enterîyê, Erbewîye û Cûdî dewam bikero.
Erjîyeno ke merdim vajo ke Dezgehê Kerkûk ê Zerrîwazî bi 2 karwanan 27 kamyonê barkerdeyî hetkarî erşawitî Rojava Karwano yewin 15 kamyonan ra û yê diyin zî 12 kamyonan ra pê amebî. Sewbîna zî 45 ton teslîmê Nêweşxaneyê Şarî ame kerdene û 5 tonî zî klînîkê gêrokî rê ame vilakerdene.
Koçberê Efrînî, Şehba û Helebî yê nê peynî semedê hêrişanê serê Tebqa, Reqa û taxanê Şêxmeqsûd û Eşrefîye yê Helebî warê xo ra bîbî, na hetkarî ra îstîfade kenê.
