Hewldayişê Edaletî yê verba tecrîdkerdişê Rayberê PKK’î Abdullah Ocalan beyanetêk da û waşt Rayberê PKK’î Abdullah Ocalan do azad bibo.
Hewldayişê Edaletî ya verba tecrîdî 5ê Êlula 2024î de Amed de bi beyanatêko çapemenîye dest bi kar kerdbî. Hewldayişî karê xo bi peynî kerd û heqê babete de beyanetêk da. Beyanat de ame vatiş: “Hewldayişê edaletî seba rewşa Birêz Abdullah Ocalan û hepsîyê bînî Birêz Hamîlî Yildirim, Birêz Omer Hayrî Konak û Birêz Veysî Aktaş ê tecrîdkerde yê, bikê rojeve êlula 2024î de destpê bi kar kerd û seba bipeynîkerdişê tecrîdî karê xo dewam kerd.”
Seba aştî û edaletî bi qerardar ê
Beyanat de ame vatiş ke hewldayişê seba edaletî hetê komêk avûkatê heqê merdiman û aktîvîstan bi însîyatîfê şexsî ame awankerdiş û karê xo Enqere, Amed û Îstanbûl kerd. Beyanat ame wina vatiş: “Ser qewimyayiş û gamê peynî yê sîyasî ke tecrîdê Hepisxaneyê Îmraliyî hetê Tifaqê Cumhurî yê desthîlatdarîye û heme partîyê muxalefetî ra ame qebûlkerdiş, hewldayişê seba edaletî resa netîce ke karê xo bi ser kewto, serî de desthilatdarîya sîyasî babeta çareserîye aştîyane û demokratîk a problemê kurd de fam kerdê ke muzakerayanê sereke û muxatabê bingehîn Birêz Ocalan o. Ma ke mîyanê hewldayişê edaletî de bîyê, karê hewldayişî bi peynî kenê û dîyar kenê ke ma do têkoşînê xo ya seba heqê merdiman, aştî û edaletî bi qerardarî dewam bikê.”
