Hemserekê Pêroyî yê DEM Partî do 19ê hezîrane de şêrê Hepisxaneyê Sîlîvrî û Ekrem Îmamoglu û Bekîr Kaya û sîyasetmedaranê bînan zîyaret bikerê.
Hemserekê Pêroyî yê Partîya Têduştî û Demokrasîyî ya Şaran (DEM Partî) Tulay Hatîmogullari û Tuncer Bakirhan û Cagirê Hemserekanê Pêroyî yo ke Rayberîya Herêmî ra Berpirsîyar o Mehmet Ruştu Tîryakî do 19ê hezîrane de şêrê Hepisxaneyê Sîlîvrî û sîyasetmedaranê girewteyan zîyaret bikerê.
Kesê ke heyetê DEM Partî wazeno înan reyde pêvînayîş bikero wina yê:
Şaredarê Stenbolî yê Şaristanê Girdî Ekrem Îmamoglu, Şaredarê Esenyurtî Ahmet Ozer, Hemşaredarê Wanî yê Şaristanê Girdî yê verênî Bekîr Kaya, Şaredarê Şîşlîyî Resul Emrah Şahan, Parlameneterê Hatayî Can Atalay û rojnameger Ercument Akdenîz, Halîl Aksoy, Nesîmî Aday û Ahmet Saymadi.
Yeno vatene ke do zîyaret pêroyê roje dewam bikero.
