Heyetê DEM Partî do siba şêro Îmrali. Heyet do pêvînayîşê Îmraliyî ra pey Stenbol de beyanat bido çapemenî.
Heyetê DEM Partî yê Îmrali siba do Hepisxaneyê Tîpê F yê Ewleyîya Berze yê Îmrali de Rayberê PKK’yî Abdullah Ocalanî reyde pêvînayîşo hîrêyin bikero. Na rey heyet 7 kesan ra pê yeno. Heyet pêvînayîşî ra pey do Stenbol de beyanatê çapemenî bido. Heyetî de Ahmet Turk, Tuncer Bakirhan, Tulay Hatimogûllari, Pervîn Buldan, Sirri Sureyya Onder, Cengîz Çîçek û Faîk Ozgur Erol ca gênê.
DEM Partî: Heyet do 27ê sibate Stenbol de beyanat bido
DEM Partî zî derheqê beyanatê heyetî de îzahat da û wina vat: “Heyetê DEM Partî yê Îmraliyî siba pêvînayîşê Abdullah Ocalanî ra pey do agêro û saete 17:00î de Stenbol de îzahat bido çapemenî. Rojnamegerê ke îzahatê taqîb bikerê ganî akredîtê înan bibo.”
