Heyetêkê leşkerî yê Hêzanê Sûrîya Demokratîke û Koalîsyonê Mîyanneteweyî şîyê zîyaretê Dêr Hefirî ke no hewteyêk o binê hêrişanê çeteyanê HTŞ û SMO’yî de yo.
Demêko winasîn de ke hêrişê çeteyanê HTŞ û SMO’yî Dêr Hefirî, Mesken û Awbenda Tişrînî ser o dewam kenê, heyeto ke rayedaranê HSD û Koalîsyonê Mîyanneteweyî ra pê ameyêne, şi Dêr Hefir. Heyet bi konvoyê leşkerî vîyart Reqa û dima ra Tebqa ser o resa Dêr Hefirî. Heyet tîya de hetê yewîyeyanê cepheyê Dêr Hefirî yê HSD’yî ra ame peşwazîkerdene.
Heyetî derheqê hêrişan de agahî girewtî
Heyetî Fermandaranê HSD’yî ra derheqê cepheyê şer û hêrişan de agahî girewtê û rewşa nikayîne ser o dayîşûgirewtişî kerdê. Konvoyê bejayî û teyareyê kifşî zî bi amancê tedbîrê ewleyî asmênê Dêr Hefirî ra gêrayê.
