Hemserekê DBP’yî yê Pêroyî Keskîn Bayindir û parlamenterê DEM Partî bi munasebetê kiştişê rojnameger Azîz Koyluogluyî Rojnewsî zîyaret kerd û înan rê serweşîye waşt.
Heyeto ke Hemserekê DBP’yî yê Pêroyî yê Partîya Herêmanê Demokratîk (DBP) Keskîn Bayindir û parlamenteranê Partîya Têduştî û Demokrasîyî ya Şaran (DEM Partî) ra yeno pê Rojnewsî zîyaret kerd û seba kiştişê Azîz Koyluogluyî serweşîye waşt.
Keskîn Bayindir zîyaretî de nameyê heyetî ser o seba kedkaranê çapemenîye azade yê Başûrê Kurdîstan û heme parçeyanê Kurdîstanî serweşîye waşt û vat: “Çapemenîya azade do şehadetê embazanê xo bikera prensîbê xebata xo û vengê heqîqetî bi vengêko hîna berz bîyarê ziwan. Ma naye ra bawer ê. Çapemenîya azade heme prosesanê zehmetî de seba vatişê heqîqetî û problemanê neteweyî hewldayîşê xo domna.”
