Heyetê Koordînasyonê Şengalî yê Temsîlkaran û Hêzê Neteweyî, Bexdad de berpirsê sîyasîyan reyde pêvînayîşê muhîmî viraştî. Pêvînayîşan de ame dîyarkerdene ke seba çareserîya probleman ganî ziwanê diyalogî aver bo û hêzê êzidî mîyanê sîstemê pawitena Îraqî de cayê xo bigîrê.
Heyetêk Koordînasyonê Şengalî yê Temsîlkaran û Hêzê Neteweyî serê plananê vera îradeyê şarê êzidî bi amancê pêvînayîşî şîyî Bexdad. Serekê Koordînasyonê Şengalî yê Temsîlkaran û Hêzê Neteweyî Dawid Cindî, endamê Koordînasyonî Hisen Hecî û Dexil Murad reyde mabênê 23 û 25ê sibate de paytextê Îraqî Bexdad de pêvînayîşî viraştî. Heyetî serê de Qasim El Erecî, Qeys El Xezelî û xeylê berpirsî û hetanê sîyasî reyde pêvînayîş viraşt.
‘Ganî hêzê leşkerî bi nasnameya xo ca bigîrê’
Goreyê agahîya ke hetê Buroyê Eşkerayî yê Serekê Koordînasyonê Şengalî ra ameyê parekerdene, babeta sereke yê pêvînayîşan rewşa peyîne yê Şengalî û ameyoxê hêzê pawitene yê êzidî bî. Heyetê dosyayê entegrasyonê hêzê êzidî bi nasnameyê xo, mîyanê sîstemê leşkerî yê Îraqî de bi hîrayî rayedaran reyde ame munaqeşekerdene. Sewbîna ame dîyarkerdene ke pêvînayîşan de bale ante serê muhîmî û aramîya herême û wina ame vatene: “Cayê weçînekê leşkerî û krîzan de ganî ziwanê diyalogî bibo bingeyê çareserî. Zaf muhîm o ke ruhê neteweyî herême de serdest bibo heta ke temsîlîyetê Şengalî ewleyî de biciwîyê.”
