Heyva Sor a Kurd, seba gedeyanê şehîdan çalakîyêka taybete viraşte. Çalakî de îşik û kincî dîyarîyê gedeyan ameyê kerdene.
Heyva Sor a Kurd merkezê Rojavayê Kurdîstanî de kar û gureyê xo domnena. Dezgeyî, seba gedeyanê şehîdan çalakîyêka taybet û manadare viraşte. Çalakî de dîyarîyê sey îşik û kincî gedeyan rê amayê vilakerdene. Çarçewaya çalakî de, paştîdayîşê Rêxistina Hêro reyde xeylê îşikê cîya-cîyayî seba gedeyan ameyê peydakerdiş. Sewbîna, pê paştîdayîşê Heyva Sor a Kurdîstanî zî kincê neweyî sey dîyarîye pêşkêşê gedeyanê şehîdan ameyê kerdiş. Wezîfedaranê Heyva Sor a Kurd, dîyar kerd ke amancê na çalakî, tay bo zî, tesîrê şertanê giranan gedeyan ser o wedaritiş o û ruhê hetkarîya komelî xurtkerdiş o. Çalakî de gedeyê pê dîyarîyan û kayan kêfweş bîyî.
Heyva Sor a Kurd peynîya çalakî de spasî û rêzdarîya xo pêşkeşê heme het, dezgeh û kesanê xêrwazan kerd ke pê paştîdayîşê xo bîyê wesîleyê şabîyayîşê gedeyan.
