Çarçeweya Peymana 29ê çele de hêzê Hukmatê Demkî qezaya Çilaxa ra xo apey ant û yewîneyê Asayîşê Rojavayê Kurdîstanî derbasê qeza benê.
Caardişê Peymana 29ê çele ya mabênê Hêzê Sûrîya Demokratîk û Hukmatê Demkî yê Sûrîya de ameybî îmzakerdene, dewam keno. Badê bicabîyayîşê qezayanê Til Beraq û Til Hemîsî ewro zî xoapeyantişê grûbanê Hukmatê Demkî yê Sûrîya, Hêzê Asayîşê Zereyî yê Rojavayê Kurdîstanî vîyarenêe qezaya Çilaxa. Hêzê Asayîşî badê ke kewtê qeza newera bi ca bî û sey kar o yewin zî qeza de teftîş viraşt. Dimayê teftîşê dorûverî û girewtena asayîşê qeza, do eyn xebate seba dewanê Çilaxa zî bêra kerdene.
No hewteyêk o ke grûbê girêdayeyê Hukmatê Şamî çarçewaya Peymana 29ê çele de xo herêmanê Rojavayê Kurdîstanî ra apey ancênê û cayê înan de Hêzê Asayîşê Zereyî yê Rojava newe ra bi ca benê.
