Hezex de bi hezaran kesan seba şermezarkerdişê hêrişanê vera Rojavayê Kurdîstanî rayîrşîyayîş organîze kerd û bi sloganê “Rojava rûmeta me ye” paştî daye xoverdayîşê Rojava.
Pêşengîya Platformê Sazgehanê Demokratîk de qezaya Hezex a Şirnexî de bi hezaran kesî qada şaristanî de ameyê têhet. Girseyî pankartê “Rojava wijdan e, berxwedan e, azadî ye” û “Şoreşa Rojava tirs û xofa dijmin e” akerd û dest bi rayîrşîyayîşî kerd. Rayîrşîyayîşî de dowizê “Rojava xeta sor e”, “Rojava Rojhilat e, Kurdistan yek welat e” û “Bijî Kurdistan” girewtê û sloganê “Bijî berxwedana Rojava”, “Bijî Serok Apo” û “Rojava rûmet e li rûmetê xwedî derkeve” vatê. Rayîrşîyayîşî de hêrişê çeteyanê HTŞ û SMO’yî ameyê şermezarkerdiş.
