Şaristanê Eindhovenî yê Hollanda de Akademîya Zanistanê Komelkî ameye akerdene. Bi na akademî yeno waştene ke paradîgmaya Rayberê Şarê Kurdî Abdullah Ocalanî warê globalî de bêro munaqeşekerdene.
Şaristanê Eindhovenî yê Hollanda de Akademîya Zanistanê Komelkî bi merasîmî ameye akerdene. Amerîka û Ewropa ra xeylê akademîsyen, nuştox, hunermend, sîyasetmedar û aktîvîstî tewrê akerdişî bîyî.
Bi na akademî yeno waştene ke paradîgmaya Rayberê Şarê Kurdî Abdullah Ocalanî warê globalî de bêro munaqeşekerdene û semedê cigêrayîşanê azadîya komelkî zemîno aktuel bêro teqdîmkerdene.
Akademî bi paştîdayîşê tewrbîyayoxanê ke dîsîplînanê cîya cîyayan ra yenê, hedef keno ke platformê globalî pê bîyaro û vera krîzanê sîstemî çareserîyanê alternatîfan biafirno.
