HSD’yî eşkera kerd ke saetanê sere sibayî ra grûbê çete yê HTŞ û SMO’yî ra hêrişê hepisxaneyê Şedadî yê başûrê Hesekê kenê tede bi hezaran çeteyê DAIŞ’î girewte yê. Eşkerayî de ame vatene ke şervananê HSD’yî xeylê reyan hêrişê înan binvistê la nika hepisxane binê kontrolê înan ra vejîyayo.
Merkezê Resnayîşî yê Hêzanê Sûrîya Demokratîk (HSD) bi eşkerayîyêk dîyar kerd ke hepisxaneyê Şedadî binê kontrolê şervananê HSD’yî ra vejîyê.
Eşkerayî de wina ame vatene: “Saetanê serê sibayî ra grûbê çete yê Şamî bi hewayêko giran hêrişê hepisxaneyê Şedadî kenê ke bi hezaran endamê rêxistina DAIŞ’î yê terorîst tede girewte yê.
Şervanê HSD’yî cewabê ne hêrişan danê û xeylê reyan nê hêrişî binvistê. Seba ke bobelatêka ewleyî nêba, bi desan şehîd û birîndarî bîyê.
Rixmo ke Hepisxaneyê Şedadî 2 kîlometre qerargahê Koalîsyonê Mîyanneteweyî yê herême ra dûrî bo zî la rixmê vengdayîşanê tekrar zî mudaxale nêkerd.
Ma raya pêroyî ra vanê ke hepisxaneyê Şedadî binê kontrolê hêzanê ma ra vejîya.”
