HSD’yî derheqê pêkewtişanê Siwêdayî yê mabênê durzî û grûbanê girêdayeyê Hukmato Demkî yê Sûrîye de, vengdayîşê adirbestî kerd.
Şaristanê Siwêdayî yê başûrê Sûrîyeyî ke zafane şarê durzî tede ciwîyeno, mabênê durzî û grûbanê girêdayeyê Hukmato Demkî yê Sûrîye de şer est o. Şer de heta nika 37 kesan cuya xo vîndî kerda. Hêzanê Sûrîyeya Demokratîke (HSD) derheqê babete de eşkerayîyêka nuştekî weşanaye.
Eşkerayîya HSD’yî wina ya:
Ma hêriş û binpaykerdişanê domdar ê dewe û şaristanokê pawitgehê Siwêdayî şermezar kenê ke encam de hûmarêka kesan cuya xo vîndî kerd, bi desan keye û mezrayê sîvîlan ameyê veşnayene û wêrankerde. Hêrişê domdar ê şarê ma yo Siwêda ser o û tengkerdişo domdar ê cuya înan, şîyayîş û ameyîş û waştişê înan, seba ma çimeyê fikaran o. Eynê wextî de binvistişê hêvîyanê Sûrîyeyijan o.
Ma vengdayîşê adirbestî û garantîya ke nê hêrişî xo tekrar nêkerê, kenê. Seba çareserkerdişê heme probleman ganî vernîya înîsîyatîfanê nîştîmanî bêra akerdene ke goreyê hêvîyanê heme temsîlkaranê şarê Sûrîye bo.”
