HSD’yi xeberê şaşê ke bi deste ‘Wezaretê Pawitene’ yê hukmatê demkî yenê parekerdene ser heşarîyê dê û va nê xeberê bê eslî herêmede alozîye fînê kar.
Merkezê dayîşûgirewtişê Hêzanê Sûriya Demokratîk (HSD) xeberê şaşê ke bi deste ‘Wezaretê Pawitene’ yê hukmatê demkî yenê parekerdene ser heşarîyê dê û va nê xeberê bê eslî herême ver bi alozîyanê giranan benê.
HSD’yî eşkerayîya xo de nê agahî dayî: “Hêzê ma eşkerayîyanê vajeyan ê ke bi destê ˋWezaretê Pawitene ˊyê hukmatê Şamî derhewê rewşa meydanî ya ke dormeyê Meskenî û Dêr Hafirî yênê dayene heşênenê. Ma eşkera kenîme ke nê nêzdîyan de tew hêzê ma yan zî sewqîyatê ma yê lejkerî ey herêman de nêbîyo û çîyê ke yenê vatene pêroyê înan bê bine yo.
Cayo ke yeno vatene ey meydanî de komê hukmatê Şamî bi xo est ê.
Reyna reyna hetê ‘Wezaretê Pawitene‘ ra parekerdena nê îdiayan alozîyan û zemînê dîyalogan vaznena ra. Ma nê îdiayan balkêş vênenîme.
Ma heşarîye vera nê metodê şaşî danê û eşkera kenîme ke ma girêdayeyê adirbestî me û heqê ma yê pawitena herême û sivîlan est a.”
