HTŞ sifte MÎT reyde merkezê karargahan rona û peynî zî Şam de ca bî. Nika zî bi talîmatê MÎT’î çekanê kîmyewîye ke rejîmê BAAS’î ra tepa mendê kom keno.
Dewleta Tirk û ci ra girêda çeteyan her roj hêrişê Rojawanî kenê, HTŞ zî nê rojan de Şam de ronayişê hukmatî ser o xebityeno. Goreyê xebara lekolin.orgî bi talîmatê MÎT’î raydarê HŞT’î ke ereb nîyê çekanê kîmyewîye ke rejîmê BAAS’î ra tepa mendê kom kenê. Rayedarê HTŞ’î nê çekanê kîmyewîye qezaya Şanbarî ya Humusî û mintiqaya Keferî ya Şamî de kom kenê.
Mabênê MÎT û HTŞ’î de pêameyişê çekanî virazîya
Mabênê MÎT û HTŞ’î de zî talîmatê MÎT’î ser o zî pêameyişê çekanî virazîyenê. Demo nêz de rayedarê TSK û MÎT’î û rayedarê HTŞ’î yê îstîhbaratî reyde kombîyayişêk viraşt. Verba petrolî do Dewleta Tirk HTŞ’î ra çekanê sey tanq, top, cilê bi zirx bida.
Odeyanê goştaritiş û çalakîye
MÎT bi hetkarîya HTŞ’î odeyanê goştaritiş û çalakîye awan kerdo û seba ci zî Tirkîya ra cîhazê teknîkî ardê.
