Hunergeha Welat seba şervanê ke hemverê hêrişanê Vakur û Rojhelatê Sûrîye xover danê, klîbêko bi nameyê “Gujje Çemê Me” weşana.
Hunergeha Welat ke Vakur û Rojhelatê Sûrîye de babetanê kultur û hunerî de xebatanê xo kena, klîbêko newe amade kerd. Deyîra “Gujje Çemê Me” sey dîyarî Hêzanê Sûrîyeya Demokratîk rê ameye viraştene ke hemverê hêrişanê dewleta Tirk û SMO’yî Vakur û Rojhelatê Sûrîye pawenê.
Klîp bi nuşteyî; “Seba paştîdayîşê şervananê azadîye, xoverdayîş û têkoşînê estbîyayîş û çinbîyayîşî kenê. Na xebate seba hêzanê ma yê HSD’yî, seba şehîdanê ma, seba şervananê ma ke çeperan de şer kenê, Pira Qereqozak, Bendava Tişrîn, Minbic û Kobanê de xover danê, dîyarî ma ya.
Şima eşkenê bi nê lînkî deyîre bigoşdarê: https://www.youtube.com/watch?v=U6xj_4ACGRA
