Konvoya hetkarî ke semedê paştdayîşê şarê elewî dir hetê Îdarekarîya Xoserî ra bi serkêşîya Komeleya Paştdayîşî û Averşîyayîşî, ame şirawitiş.
Paştdayîşê semedê şarê elewî ke rastê hêrişê çeteyê girêdayeyê Heyet Tahrîr El Şam (HTŞ) yê cîhadîst amebî, dewam keno. Semedê paştdayîşê şarê elewî dir, wareyê ke hetê Îdarekarîya Xoserî ya Vakur û Rojhelatê Sûrîye ra yeno îdarekerdiş, bi serkêşîya Komeleya Paştdayîşî û Averşîyayîşê Mezopotamyaye konvoyêk hetkarî amebî amadekerdiş. Konvoya hetkarîya merdiman ke 20ê gulane de Tebqayî ser de kewt rayîr, resa Lazkîye.
Konvoya ke hetkarîya reya diyîn a Vakur û Rojhelatê Sûrîye ra yena şirawitiş, di kamyonê pîlî est ê. Nê kamyonan de hezar û 500 koliyê werdî est ê. Çimî rayîr de yê ke hetkarî keyeyan rê bêro vilakerdiş.
