Parlamenterê Îngilîstanî Tom Tungendhatî îdia kerd û vat teyareyê Rûsya ameyê Tehran û rejîmê Îranî amadekarîya remayîşî keno.
Parlementer û Wezîrê Ewleyî yê Verî Tom Tungendhatî Parlementoyê Îngîlistanî de Wezîrê Karanê Teberî ra waşt ke derheqê amedekarîya remayîşî yê rejîmê îranî de malûmatan eşkera bikero. Tungendhatî serewedaritişanê Îranî ser o ard vîrî û îfade kerd ke agahîyê ey pê est ê ke teyareyê Rûsyayî kewtê Tehran.
‘Çimeyê Îranî yenê transferkerdene’
Tom Tungendhatî seba weçînayîşanê ke vernîya rejîmê Îranî de yê wina vat: “Hem amadekarîya şerî hem zî yê remayîşî kenê. Gorêyê agahîyanê ke yenê girewtene çimeyê Îranî ver bi tayê herêman yenê transferkerdene. Bi taybetî zî ver bi kendawa Besrayî yenê erşawitene. Nê planê rejîmê Îranî seba dimayê binkewtişî yê. Eynê wextî de teyareyê Rûsya zî kewenê Tehran. Nê wareyî de komelî haydar bikerê.”
