Numayîşê Îranî ke 28ê kanune dest pêkerdbî, bi waştişanê vera rejîmê Îranî gird benê. Roja 13. de pêroyê welatî ra vila bîyê. Bi se hezaran kesî tewrê çalakîyanê abîş bîyê.
28ê Kanûne de vera krîzê ekonomî Îran de çalakîyê numayîşî virazîyaybî û dima ra çalakî vurîyaybî waştişê azadîye. Numayîşê roja 13. de dewam kenê. Abîş zî her çar hetanê Îranî de bi se hezaran kesî vejîjayê meydanan. Şarê eyaletanê Gilan, Fars, Rojavayê Azerbaycanî û Kurdîstan de vizêrî temamê şewe kuçeyan de bîyê û bi sloganê “Bimro koletî, bimro dîktator” û azadî berz kerdî.
Serebûtê ke abîş virazîyayê wina yê:
Numayîşî, xeylê cayanê eyaletê Gilanî de dewam kenê. Şar goreyê vengdayîşê grevê pêroyî têgêra û dikanê xo anêkerdî. Şaristanê Reşte de girseyî adir verda kuçeyan.
Semta Chitgare ke yew cayêko merkezî yê Tehranî yo, welatijan vera Xamaneyî sloganî vatî û numayîşê girseyî viraştê.
Xeylê şaristananê eyaletê Karajî ke zafê înan fars û elewî yê, şar vejîya kuçeyan.
Çalakîyê numayîşî yê şaristananê Îlam û Kirmaşanî ke bîyê sembolê numayîşan çend şono benê gird.
Şaristanê Tebrîzî ke yew şaristananê tewr muhîm yê Rojavayê Azerbaycanî yo bi hezaran kesî kewtê kuçeyan.
Tehran de ke protestoyî ewil zî uca dest pêkerdbî, bi beşdarîya des hezaran kesan çalakîyê numayîşî ameyê kerdene.
Cinîyan çalakîyan de resmê Humeynî veşnayê û çalakî dayê destpêkerdene. Xeylê şaristanan de fotografê Humeynî ameyê veşnayene.
Xeylê şaristanan de erebeyê hêzanê rejîmî ameyê veşnayene û Tehran de awanîyê hukmatê Tehranî ameyê veşnayene.
