Rêxistina Heqanê Merdiman a Herana bi raporêk eşkera kerd ke mîyanê yew serre de, 25ê teşrîna peyêne 2024î ra heta 25ê teşrîna peyêne 2025î, Îran de tewr kêm 110 cinî ameyê kiştiş.
Herana dîyar kerd ke nê daneyî tena yê ke piştrastkerdişê ci bîyo, daneyê raştî yê şîdet û kiştişê cinîyan welatî ra zaf zêdeyêr o.
Eynî demî de Herana 181 raporê belgekerdeyî tomar kerdî ke 320î înan binpaykerdişê heqanê cinîyan bîyê. Goreyê rêxistine, pêwa ke nê daneyî tena beşêkê rewşa raştî bo zî, ê bi zelalî “asta şîdetê kiştox” yê hemverê cinîyan mojneno.
Xêrcê kiştişê cinîyan, Herana tewr tay 93 rewşa şîdetê giran ê hemverê cinîyan Îranî tomarkerdî ke 63 înan tecawuz û hêrişê cinsî, 11 rewşa kuyayîşî, 9 rewşa şîdetê keyeyî de, yew rewşa xoveşnayîşî û yew halê xokiştişî ameyê qeydkerdiş.
Rêxistina Herana dîyar kerd ke semedê adetê komelî, zordarîya keye û çinbîyayîşê rayîrêk asayîş yê semedê neqlkerdişê şîdetê Îranî, xeylê şîdet û hêrişê hemverê cinîyan nîyenê tomarkerdiş.
