Wendegeho mîyanên ê şaristanê Dîvandarrehê Îranî de tewr kêm heşt wendekarê cinî riyê qaçaxê karbonmonoksîtî bi giranî jehrî bîyê. Wendekarî nêweşxane de beşê ewnîyayîşê awarte de yenê dermankerdene.
Vizêr wendegeho mîyanên ê şaristanê Dîvandarreh ê Îranî de tewr kêm 8 wendekarê cinî riyê gazê karbonmonoksîtî bi giranî bi jehrî bîyê. Wendekarî seba rewşa înan a girane beşê ewnîyayîşê awarte de yenê dermankerdene.
Goreyê xebera JÎNHA’yî û goreyê raporan sebebê bi jehrî bîyayîşê cinîyan çinbîyayîşê hewadarkerdişo lazim û peygoşkerdişê tedbîranê ewleyî yê hetê rayedaran ra, faktoranê tewr muhîm ê hedîseyî bîyê. Yeno zanayene ke qaçaxê gazî seba demêko derg nêameyo vînayene, tena dima ke wendekaran de rewşê sey dejê sereyî, şîyayîşê dewqe û xeriqîyayîş asayî, rayedaran ra ameyo vatene.
Na hedîse endîşeyê ewleyîya cayanê mendişî yê wendekaran, bi taybetî cayanê bêîmkan ser o vêşî kerdê. Na rewşe hetê çalakîkeranê perwerdeyî û rêxistinanê heqanê gedeyan ra ameye rexnekerdene.
Çinbîyayîşê kontrolanê perîyodîk û canêardişê standardanê fermî
Îran de kalîteya nebaş a tesîsanê perwerdeyî û wendegehanê mîyanên de problemêko bingeyên o ke serranê kêm sermayegozarî, çimdarîya nebaşe û çinbîyayîşê prensîbanê ewleyî beno. Zafaneyê nê tesîsan awanîyanê kehen de xebitîyenê, hewadarkerdişêko baş çin o û bi sîstemê germkerdişê yê kehenî ameyê sazkerdene. Na rewşe tehlukeyanê qaçaxê gazî, şewat û rijîyayîşê awanîsazîye vêşî kena. Çinbîyayîşê kontrolanê perîyodîk, caardişê standardanê fermî û problemanê teknîkî niminenê ke seba rayberê cayanê mendişî mumkin nîyo ke hedîseyan rew tesbît bikerê yan zî vernîyan înan bigîrê.
