Serekê Komîteya Beranê Sînor ê Îraqî dîyar kerd ke do mabênê Îraq û Sûrîye de 2 berê neweyî yê sînorî akerê.
Serekê Komîteya Beranê Sînor ê Îraqî Umer Weîlî derheqê akerdişê beranê sînor ê Sûrîye de eşkerayî daye. Goreyê Umerî, Serekwezîrê Îraqî Mihemed Şîya Sudanî seba averberdişê bazirganî û şuxulnayîşê beran, waşto ke demêko lez de beranê sînor ê Welîd û Rebîe yê Sûrîye bêrê akerdene.
Umer Weîlî vat ke do rojanê ameyox de şahidîya akerdişê her di beran bikerê. Dewamê qiseykerdişê xo de Umer Weîlî dîyar kerd ke do akerdişê beran tesîrêko pozîtîf ameyoxî ser o bikero û vat berî daraxê bazirganîya rayîrê Îraqî reyde zî do berz bikerê.
