Rojnameger Îrfan Aktanî derheqê serrgêra vengdayîşê 27ê sibate de vat ke vengdayîşê 27ê sibate vengdayîşêko tarîxî yo û şarê kurd wazeno ke xo şerî ra bixelesno.
Aktanî vat: “Wexto ke manîfestoyê Ocalanî ame wendene her kes heyran mendbi. Kesî nêpawitêne ke gamêka hende radîkalî biba. Ocalanî bi vengdayîşê xo gama tewr girde eşte.”
Aktanî vat ke şarê kurdî 50 serrî yo şer keno la nika wazeno azad biciwîyo, bê şer sey şaranê bînan û wina dewam kerd: “Ocalan û şarê kurdî vat, ‘Ma do çekan ra fekveradê û êdî heqanê xo bi sîyasetî bipawê, ma nêwazenê êdî bêrûmet biciwîyê.’ La hema zî tayê beşê dewlete nêwazenê ke proses serkewo.”
Aktanî dîyar kerd ke şarê kurdî têkoşînê çekveradayîşî dano û na babetêka zaf balkêş a û wina vat: “Dewlete her wext wazena ke destê şarê kurdî de çek est bo. La şarê kurdî rixmê ney zî wazeno çekan verado. Komîsyon raporêk eşkera keno la wazenê ke şarê kurdî îtîraz bikero û vajo ‘Ma çekan veranêdanê.’ Provokasyon kenê ke kurdî hemverê prosesî de vinderê.”
Aktanî vat ke kes ganî paweyê gamanê dewlete nêvindaro û wina vat: “Ganî şarê kurdî nê barî bigîro xo ser û prosesê bi rayîrê sîyaset û dîplomasîye ver bido.”
