Hêzê Îsraîlî abîş vera Lubnanî hêrişê hewayî kerd. Encamî de 5 kes ameyê kiştene û hûmarêk kesan birîndar bî.
Artêşê Îsraîlî abîş xeylê cayê şaristanokanê Edlûn, Ensariye, El Xerayîb, Şeba û El Teyba yê Lubnanî bombabaran kerd.
Wezaretê Weşîye yê Lubnanî dîyar kerd ke encamê bombabaranî de hûmarêk welatijî ke Sûrîyeyijî zî tede yê, ameyê kiştene. Eynê hêrişî de ci ra 3 kesî gede 7 welatijê Lubnanî û 3 welatijê Sûrîya birîndar biyî.
Şaristanokê Batir de zî teyareyêka bêmerdim a Îsraîlî welatijêk vernîya berê ey de bombabaran kerd û kişt. Şaristanokê El Teyba de zî encamê bombaranê teyareyan de welatijêk ame kiştene.
Verfekê Artêşê Îsraîlî Avichay Adraee derheqê hêrişan de dîyar kerd ke hêzê înan bargehê Hîzbullahî, bingeyê fuzeyan û hacetê endezyarî yê leşkerî bombaran kerdî.
Adraeeyî îdia kerd ke cayê ke ameyê bombarankerdene, Îsraîlî ser o tehdît û tehluke yê.
Şaristanokê Îtron de zî hêzê Îsraîlî aver şîyê û keyeyê welatijan ke nêzdîyê Cil El Dêr de rijnayî.
