Îsraîl aktîvîstaanê keştîya Madleenî sînorî ra teber kena ke waştêne hetkarî biresnê Xeza.
Keştîya Koalîsyonê Fîloyê Azadîye (Freedom Flotilla Coaliton -FFC) ke waşt hetkarî biresna Xeza ya ke binê hêriş û dorpêçê Îsraîlî de ya, vizêrî (9ê hezîrane) Îsraîlî dest dabi ser o û 12 aktîvîstî ameybê destbendkerdene. Keştîya Madleenî dima ra keştîyanê şer ê Îsraîlî reyde berde Lîmanê Aşdodî yê Îsraîlî.
Wezaretê Karanê Teberî yê Îsraîlî platformê Xî ser o eşkerayî daye û dîyar kerd ke aktîvîstî ke keştîya ke sey ‘Keştîya Selfîe’ pênase kerdêne, seba ke bierşawê welatê înan berda Teyaregeyê Ben Gurîonî. Eşkerayî de wina ame vatene: “Yeno pawitene ke raywanan ra çend hebî mîyanê çend saetan de bêrê dayene. Yê ke îmzakerdişê belgeyanê sînorîrateberkerdişî û Îsraîlî ra şîyayîşî red kenê zî do goreyê qanûnanê Îsraîlî seba sînorî ra teberkerdişî vejîyê vernîya meqamanê hukmî. Sersefîrê raywanan teyaregehî de ê pêşwazî kerdê.”
Keştîya Masleenî seba bale bianca şert û mercanê Xeza ser o û hetkarî biresna şarî, 1ê hezîrane de şaristanê Catania yê Îtalya ra rayîr kewt. 9ê hezîrane de nêzdiyê Lîmanê Aşdodî de hêzanê Îsraîlî dest da ser o.
