Goreyê encamê anketê JPPI’yî, yahudîyê Amerîkayî serdemo nêzdîyî de Îran, Yemen, Katar û Tirkîya seba yahudîyan sey tehdîto bi tehluke vînenê. Yeno vatene ke Katar zî serdemo nêzdî de seba Îsraîl û yahudîyan tehdîtêko gird o.
Rojnameyê Jeruselam Postî anketêk weşana ke endîşeyanê ewleyî yê şarê yahudî peymaweno, weşana. Enstîtuya Polîtîkayanê Şarê Yahudî (JPPI) yahudîyan ser o anketêk viraşt. Anket hem mîyanê yahudîyanê ke Îsraîl de ciwîyenê û hem zî mîyanê yahudîyanê ke Amerîka de ciwîyenê, ame viraştene. Goreyê yahudîyanê Îsraîlî Tirkîya sey tehdîto dîyin, goreyê yê Amerîkayî sey tehdîto 4. ame vînayene.
Goreyê encamê anketê JPPI’yî yahudîyê Amerîkayî serdemo de Îran, Yemen, Katar û Tirkîya seba yahudîyan sey tehdîto bi tehluke vînenê Beşdaranê anketê JPPI’yî, Tirkîya zî seba ewleyîya neteweyê yahudîyan sey tehlukeya rêza 4. de dîyar kenê. No anket mîyanê yahudîyanê beşdarê panelî “Vengê Şarê Yahudî” bîyê, ame kerdene. Beşdaran ra persê derheqê tehlukeyanê dîn û sîyasetê yahudîyanê Amerîkayî ser o ame kerdene.
‘Îran tehlukeya yewin a’
Beşdarî, Îran, Yemen, Katar û Tirkîya zî tede tayê welatan seba dîn û sîyasetê yahudîyanê Amerîka sey tehluke pênase kenê. Se ra 83î beşdaran Îranî seba “estbîyayîşê” yahudîyan tehlukeya girane vînenê. Nê beşdaran ra se ra 57ê înan vanê tehlukeya girde û se ra 25ê înan zî tena tayê hetan ra Îranî sey tehluke vînenê. Mîyanê yahudîyanê Amerîka de Qatar sey tehlukeya dîyine yena vînayene. Goreyê anketî Yemen hîrêyin û Tirkîya tehlukeya çarine yena vînayene.
Îsraîl de Tirkîya tehlukeya dîyin a
La goreyê daneyanê anketê JPPI’yî ke Îsraîl de viraşto, encamî nêmanenê nê anketî vejîyayê orte. Yahudîyê Îsraîlî zî Îran seba xo tehlukeya yewine vînenê. La rêza dîyine de Tirkîya û rêza hîrêyine de zî Qatarî mojnenê.
Hemverîya yahudîyan mîyanê komareperweran de vêşî bena
Encamêko bîn o balkêş ke anketê JPPI’yî de vejîyayo no yo: Yahudîyê Amerîkayî dîyar kenê ke mîyanê komarperweranê Amerîka de hemverîya yahudîyan her ke şona vêşêr bena.
