Artêşê Îsraîlî dîyar kerd ke sey beşêkê stratejîya ‘pawitişê mudafa’ hêzê Tumenê 91. Başûrê Lubnanî de operasyonê bejayî dayo destpêkerdene.
Şerê mabênê Îsraîl û Hîzbullahê Lubnanî de kewt merheleyêko newe. Artêşê Pawitişê Îsraîlî (IDF) eşkera kerd ke sey beşêkê stratejîya ‘pawitişê mudafa’ başûrê Lubnanî de dest bi operasyonanê bejayî kerdo. Eşkerayîya IDF’yî de ame dîyarkerdene ke çend rojanê peyênna de yewîneyê Tumenê 91. çalakîyê leşkerî tay cayanê stratejîk ê başûrê Lubnanî de kerdê. Eşkerayî de ame vatene ke nê cehdî do sey operasyonê bejayî dewam bikerê ke qadê pawitişê ewilî hîra bikerê.
‘Amanc çinkerdişê binawanîya grûbanê çekdar o’
Eşkerayî de ame dîyarkerdene ke çarçewaya operasyonî de hedefo sereke çinkerdişê binawanîyanê çekan û grûbanê çekdar o ke herême de çalak ê. Artêşa Îsraîlî dîyar kerd ke verê ke hêzê bejayî bikewê herême, topxane û hêzanê hewayî tay hedefanê çekdar ê herême ser o hêrişî kerdê ke tehdîdanê herême çin bikerê.
‘IDF pawitişê Galîleyî ser o xebitîyeno’
Goreyê eşkerayî hêzê Tumenê 91. tewrê operasyonê bejayî eynê wextî de hêzanê Tumenê 146. reyde pawitişê şaristan û dewanê herêma Galîlee zî xebitîyenê. Sewbîna ame vatene ke do operasyonî heta ke biresê amancê xo dewam bikerê.
Na eşkerayî û operasyonê Îsraîlî sey merhelayêka newe yê şerê Îsraîl û Hîzbûllahî ameyê erjnayene.
