Hêrişê dewleta Îsraîlî de 5 xebatkarê televîzyonê El-Kuds el-Yevmî rojnamegerî Gazze de ameyî kiştene.
Dewleta Îsraîlî mîyanê Şerîdê Xezayî de Kampê Koçberan Nûsayratî de 5 xebatkarê televîzyonê El-Kuds el-Yevmî (alqudstoday-tv) rojnamegerî ortê makîneya weşanê candarî de pê bomba kiştî.
Gorê eşkeredayena ofîsê çapemenîya Hukmatê Xezayî, Dewleta Îsraîlî mîyanê Şerîdê Xezayî de Kampê Koçberan Nûsayrat bombabaran kerd. Nê bombebaranî de de 5 xebatkarê televîzyonê El-Kuds el-Yevmî (alqudstoday-tv) rojnamegerî ortê makîneya weşanê candarî de ameyî kiştene.
Namê rojnamegeran zî nîya ame eşkerakerdene; muxabîrê resman Eymen el-Cedy û rojnamegerî Faysal Ebu el-Kumsan, İbrahim eş-Şeyh Ali, Muhammed el-Led’a û Fadi Hassune.
Eşkerakerdene de hetanî nika hêrişanê dewleta Îsraîlî ê serê Şerîdê Xezayî de 201 rojnameger ameyo kiştene.
Eşkerakerdene de dewleta Îsraîlî kur amê rexnekerdene û çapemenîyanê cîhane ra zî piştî amê waştene.
