Eşkerayîya ofîsê Binyamîn Netanyahu de ame vatene ke “tehdîdo vera estbîyayîşê înan” ê Îranî orte ra wedarîyayo û înan peşnîyarê adirbestî yê Trumpî qebul kerdo.
Şerê Îran û Îsraîlî roja 12. de bi adirbestî biencam bi. Serekê DYA’yî Donald Trump eşkera kerd ke mabênê Îran û Îsraîlî de adirbest ameyo kerdene. La Îranî saetanê serê sibayî de bi pêlanê fuzeyan hêriş kerdo. Trump her di hetan hişyar kerd ke adirbestî binpay nêkerê. Ofîsê Serekwezîrê Îsraîlî Binyamîn Netenyahu bi eşkerayîyêk vat: “Tehdîdo vera estbîyayîşê ma orte ra wedarîya” û vat ke do vera Îranî hêrişêko bîn nêkerê.
Eşkerayî de ame vatene ke înan pêşnîyarê adirbestî yê Trumpî qebul kerdo.
Rayedarêkê Îsraîlî zî keyepelê înternetî yê Îsraîlî Walla’yî rê qisey kerd û vat: “Trumpî adirbestêk îlan kerd. Eke heme hetê pê bikerê, do adirbest derbasdar bibo.”
