Jeroma Bonnafonr, dîyar kerd ke welatê ey 60 dewletan reyde seba arambîyayîşê rewşa Lubnanî xebitîyenê.
Balyozê Fransa yê Neteweyanê Yewbîyayeyan Jerome Bonnafontî îfade kerd ke do demêko nêzdî de dayîşûgirewtişî rasterast dest pêbikerê.
Jerome Bonnafontî eşkerayîyêka taybete daye û vat:
“Ma nika 60 dewletan reyde eşkerayîyêka muhîme tesdîq kerd ke tede çi hewce bî hedîseyan ser o bêrê vatiş, ameyê qalkerdene.
Balyozê Fransa, gamê ameyoxî yê ke seba qedînayîşê kaosî ser o wina qal kerd:
“Ma hêvî kenê ke do demêko nêzdî de dayîşûgirewtişê rasterast bêrê kerdene û sewbîna Lubnan de zî adirbest bibo.”
Na eşkerayîya Balyozê Fransa demêko winasîn de ameye kerdiş ke cehdê mîyanneteweyî seba vernîya vilabîyayîşê şerê mabênê Îsraîl û Hîzbullahê Lubnanî de dewam kenê.
Fransa, na dosya de sey welatanê tewr tesîrdar vejîyena vernî.
Rewşa adirbestê 15 rojan
Yeno waştiş ke adirbestê 15 rojan ê Amerîka û Îsraîlî yê Îranî redye, Lubnan de zî bêro caardene, la Îsraîl heta nika nê waştişî qebul nêkerdo. Vera hêrişanê Îsraîlî yê Lubanan, rewşa merdimîye ya nê welatî giran bîya û hûmara qurbanîyan roje bi roje zêde benê.
60 dewletan peymana hempare de cehd kenê ke zextêke mîyannetewî hetanî şerî bikerê ke peynîya rijîyayîşê gonî bêro.
