Goreyê çeteleyê şîdetî yê JINNEWS’î yê aşma kanûne de tewr tay 28 cinî û 2 gedeyî ameyê qetilkerdiş, 13 cinî û 2 gedeyan zî binê şert û mercanê gumanbar de dinyaya xo bedelnaya.
Şîdetê sîstemê serdestîye yê camêrdan û polîtîkayanê bêcezakerdiş yê dewlete bi hewayêko sîstematîk heqê cuye yê cinî û gedeyan hedef gênê. Nê sîstemî de mekanîzmayê pawitişê dewlete bêtesîr ê û sucdarî zaf rey bi bahaneyê sey “rewşa başe” û “provokasyonê neheq” yenê xelatkerdiş, cinî zaf reyî hetê camêrdanê tewr nêzdîyê xo ra yenê qetilkerdiş.
Aşma kanûne de 28 cinî û 2 gedeyî hetê camêrdan ra ameyê qetilkerdiş. Eynê demî de 13 cinî û 2 gedeyan zî binê şert û mercanê gumanbar de dinyaya xo bedelnaya. Sîstemê şîdetî ke mîyanê keye û cayanê ke sey “warê taybetî” yenê dîyarkerdiş zêde bîyo reyke bîn sewîyeya serdestîya pederşahî cinîyan ser o eşkere kerd. Tewrê nê bîlançoyê tarî zî têkoşînê domdar ê cinîyan semedê azadî, têduştî û heqê cuye dewam keno.
Kerdoxî tewr nêzdî yê
Cinîyêk ke hetê cîranê xo ra, 2 cinî hetê nasanê xo ra, 8 cinî hetê mêrdeyê ke înan reyde ameyê zewicnayîş, 2 cinî hetê mêrdeyê ke cîya bîbî, 2 cinî hetê camêrdo ke tira aqitîyayê, 1cinî hetê mêrdeyo nênas, 1 cinî hetê lajê xo ra, 1 cinî hetê vistewreyê xo ra, 1 cinî hetê mêrdeyo yewbînan ra aqitîyaybî, 1 cinî hetê xalê xo ra, 3 cinî hetê mêrdeyê ke prosesê caverdişîyî de bîyê, 2 cinî hetê zamayê xo ra, 1 cinî hetê mêrdeyo ke mahrê mela reyde zewicîyabî û 1 hetê tornê xo ra ameye qetilkerdiş. Sewbîna yew cinî hetê kesanê nêdîyaran ra ameye qetilkerdiş.
Şaristan bi şaristan qirkerdişê cinîyan
Mersîn de 1, Kirikkale de 2, Hatay de 1, Samsûn de 1, Anqare de 2, Qeyserî de 1, Çanakkale de 1, Semsûr de 2, Stenbol de 1, Dîlok de 2, Mereş de 1, Antalya de 1, Kirklarelî de 1, Amed de 2, Çanakkale de 1, Karaman de 1, Manîsa de 3, Zonguldak de 2, Sêrt de 1, Riha de 1 cinî ameye qetilkerdiş.
