Goreyê daneyanê şîdetî yê aşma adare, tewr tay 29 cinî û 2 gedeyî ameyî qetilkerdiş, 20 cinî û 2 gedeyan zî bi hewayêko gumanbar dinyaya xo bedelnaya.
Şaristananê Kurdîstanî û Tirkîya de şîdetê camêrdan dewam keno ke bi hewayêko sîstematîk vila beno û hetê polîtîkayanê bêcezaverdayîşî ra yeno paştîdayîş. Sucdarî zafê reyan camêrdê tewr nêzdî cinîyan ê û şîdet cayê ke sey “tewr asayîş” yenê hesabkerdiş de, yeno kerdene. Qerarê pawitişî yenê binpaykerdîş, gerreyê peygoş benê û cinî bêmabên hetê mekanîzmayanî ra ke înan muracat kerdî, tena sereyê xo yenê verdayîş. Merdişê biguman ê cinîyan dewam kenê û heto bîn ra zî dosyayê ke ameyî akerdiş, pabeyê cipersayîşî yê.
La cinî israr kenê ke do şîdetê camêrdan û polîtîkayê bêcezaverdayîşî xo vîr ra nêkerê, hesab bipersê û wayîrê cuya xo bivejîyê.
Goreyê daneyanê aşma adare ke çapemenî ra ameyî arêdayîş, tewr tay 29 cinî û 2 gedeyî ameyî qetilkerdiş; 20 cinî û 2 gedeyî bi hewayêko gumanbar dinyaya xo bedelnaya.
Kerdox camêrdê ke tewr nêzdî cinîyan ê
Cinîyanê ke ameyî qetilkerdiş, înan ra 1 hetê wendekarê xo ra, 2 hetê mêrdan ra ke înan reyde ciwîyayîêne, 1 hetê mêrdê verênî ke aye reyde zewicîyabî, 7 hetê mêrdan ra ke înan reyde prosesê cîyabîyayîşî de yê, 10 hetê mêrdan ra ke înan reyde zewicnayebî, 1 hetê birayê xo, 1 hetê lajê xo, 1 hetê kesêk nênas, 1 hetê mêrdeyî ra ke têkilîya aye ey reyde ra nêyena zanayîş, 1 hetê xalê xo, 1 hetê mêrdeyê waya camêrdî ra aye reyde zewicîyayebî, 1 hetê mêrdeyê verênî ke aye reyde zewicîyabî û 1 hetê zamayê xo ra ameye qetilkerdiş.
Goreyê şaristanan vilabîyayîşê cinîyanê ke ameyî qetilkerdiş
4 Stenbol de, 2 Aydin de, 3 Bursay de, 1 Edene de, 2 Îzmîr de, 2 Mugla de, 3 Mersînî de, 1 Trabzon de, 1 Kayserî de, 1 Aksaray de, 1 Nevşehîr de, 2 Amed de, 1 Samsûnî de, 1 Hatay de, 1 Nîgde de, 2 Manîsa de û 1 Eskîşehîr de.
