Wayîrê Xelata Aştî ya Nobelî û aktîvîsta heqanê merdiman Jody Wîllîams ard ziwan ke xîretê Rayberê Şarê Kurd Abdullah Ocalanî yê seba aştî îlham danê û vat o eşkeno Xelata Aştî ya Nobelî rê bibo namzet.
Wayîrê Xelata Aştî ya Nobelî û aktîvîsta heqanê merdiman Jody Wîllîams televîzyonê Medya Haberî rê qisey kerd û cewab persanê Erem Kansoyî rê. Wîllîams dîyar kerd ke xîretê Rayberê Şarê Kurd Abdullah Ocalanî mîyanê vilabîyayîşê şer û qirkerdişî heme dinya de averşîyayîşêko xeylê muhîm û pozîtîf ê. Wîllîams vat “Abdullah Ocalan seba aştî game erzeno. Vînayîşê na rastîye îlham dano” û dîyar kerd ke ganî piştî bidîya nê prosesî.
Ganî Tirkîye bi zerrîpakîye cewab bida
Wîllîams dîyar kerd ke ganî seba tewrbîyayîşê Rayberê Şarê Kurd Abdullah Ocalanî yê prosesê aştî şert û mercê ke lazim ê bêrê awankerdene û dîyar kerd ke ganî Tirkîya bi hewayêko zerrîpak cewab bida prosesî.
Wîllîams dîyar kerd ke ganî ewleyîya Rayberê Şarê Kurd Abdullah Ocalanî bêra girewtene û vengda dewleta tirke ke kayan ra fekverada û rayberanê kurd reyde dest bi dîyalogêko manadar bikera û şerî biqedêna.
‘Abdullah Ocalan seba Xelata Aştî ya Nobelî namzetêko cidî yo’
Wîllîams da dîyarkerdene ke muzakereyê Rayberê Şarê Kurd Abdullah Ocalanî yê bingeyê aştî ser o, ewleyî û hurmeto dihetin ey kerdo namzetêko muhîm yê Xelata Aştî yê Nobelî û vat: “Nê prosesî de Abdullah Ocalan seba Xelata Aştî ya Nobelî namzetêko cidî yo.”
