Bi hezaran kurd û dostê kurdan Kanada de vera hêrişanê HTŞ’yî ke vera kurdan kenê, kurdî wirzîyayî payan ser û va: “Rojawan xeta ma ya sûr a.”
Vera hêrişanê çeteyan ke Dewleta Tirke zî piştî dana, Kanada de bajaranê Toronto û Vancouver de çalakîyan bêmabên dewam kerd. Bi vengdayîşê Merkezanê Komelanê Kurdan ê Kanada bi seyan kurdî vejîyayî kuçeyan û ver bi Konsolxaneyê Amerîka rayîr şî.
‘Dewletan bawerîya xo vindî kerde’
Ame dîyarkerdene ke dewletê ke verê piştî dayênê têgêrayîşê şarê Rojhelatî û dima seba menfeatanê xo xo apey gênê, bawerîya xo mîyanê şarî de vindî kenê û nê vatişî ameyî ziwan:
“Şarê kurdî vera rêxistina tewr wehşîye ya dinya DAÎŞ’î merdimîye pawite. Labelê caverdayîşê kurdan xeletîyêka gird a. No şar naye xo vîr ra nêkeno.”
Vengdayîşê piştîdayîşî ame kerdene
Beyanatî de ame dîyarkerdene ke şarê kurdî no demo tarî bi yewîye û piştîdayîşî vîyarneno û wina ame vatene: “Dostê kurdan ê raştikênî reyna ê xo bi xo yê û yewbîyayîşê şaran o. Ewro her wextî ra zafêr wextê yewîye yo.”
Çalakîye bi marş û sloganan qedîyaye, sazgehê kurdan ê Kanada vengdayîşê xoverdayîş û çalakîyanê bêmabênan reyna tekrar kerd.
