Endamê Konseya Rayberdişî ya KCK’yî Mustafa Karasuyî semedê terwrbîyayîşê çalakîyanê protestoyî yê Komployê 15ê Sibate veng da û hêrişê vera Paradîgmaya Netewa Demokratîke ya Rayberê Şarê Kurdî Abdullah Ocalanî rexne kerdî.
Karasuyî îfade kerd ke demo peyênî de hêrişanê vera Rojava reyde hewayêko hemwext vera Paradîgmaya Netewa Demokratîke hêrişêko sîstematîk yeno kerdene û veng da şaran ke çar hetanê Kurdîstanî û her ca de wa tewrê çalakîyanê protestoyî yê komployî bibê.
Erjnayîşanê Mustafa Karasuyî ra qismêk wina yo:
“Komployo mîyanenteweyî ke badê 9ê teşrîna verêne ya 1998î de Rayber Apo Şamî ra ame vetene ame destpêkerdene 27 serrî xo dima verdayî. Bi na wesîle heme dewletî û hêzê sîyasî ke mîyanê komployî de ca genê, ma înan şermezar kenê.
Waştişê komployê mîyanneteweyî yê verênî eciqnayîşê fikr û têgêrayîşê şorişgêr yê Rayber Apoyî bi. Ewro proseso ke 6ê çeleyî de Rojava de vera kurdan ame destpêkerdene no zî bi waştişê tesfîyekerdİşê têgêrayîşê azadîye yê Rayber Apoyî yeno kerdene. Hêrişê vera Îdareyê Xoserî yê Rojava tena vera kurdan nîyo, vera fehmê netewa demokratîke û paradîgmaya Rayber Apoyî yo.
Hêzê mîyaneteweyî Rayber Apo vera hegemonyaya xo sey tedîtî dî. Sere de Amerîka, Îsraîl û Îngîlîstan pîya komployo mîyannetweyî kerd. La şarê kurdî vera nê komployî têkoşîno gird da. Şar bi xoverdayîşê ‘Şima nêeşekê tîja ma tarî’ bikerî wayîrê Rayber Apoyî vejîya. Rayber Apo gerîya binê esaretî la têkîlîya şarî bi Rayber Apoyî nêqerfîyaye, eqsê ci dahîna xurt bîye.
Fîkrê Rayber Apoyî Rojava de bi fehmê netewa demokratîke ameyî caardene. Ereb, kurd, suryanî pîya ciwîyayî. No model semedê Rojhelatê Mîyanênî bi alternatîfêk. La no sîstemo demokratîk hetê hêzanê mîyanneteweyî ra sey tehlukeyî ame vînayene û ame waştene ke bêro tesfîyekerdene.
Fehmê netewe dewlete ra Rojhelatê Mîyanênî de tewr zaf kurdî zirar vînenê. Fehmê newtewe dewlete hetê kurdan ra polîtîkaya qirkerdişî ya. Alternatîfê ney netewa demokratîk a. Netewa demokratîke yewca de azad û seypê ciwîyayîşê şaran, bawerîyan, nasnameyan o. Îstîkrarê Rojhelatê Mîyanênî têna bi nê mumkun o.
Vera hêrişanê serê Rojava şarê ma çar hetanê Kurdîstanî de wirişt payan ser. No netîceya têkoşînê 50 serran o. PKK têgêrayîşêk o ke çar hetan de têkoşîn keno. Eke ewro Rojava bi temamî nêame tesfîyekerdene, no xeyrê wayîrverjîyayîşê şarê ma û xeta Rayber Apoyî yo.
Ma serrgêra komployê mîyannetweyî de yê. Rayber Apo hema zî binê esaretî de yo. Nê 15ê sibate de ganî şarê ma her ca de payan ser bo. Azadîya Rayber Apoyî azadîya şarê kurdî ya. Wayîrvejîyayîşê Rojava, wayîrvejîyayîşê destkewteyanê kurdan o.
Ma vengdayîşê xo yê yewîya demokratîke ya semedê çar parçeyan newe kenê. Eke yewîya demokratîke bêra caardene, kurdî benê hêzdar. Na çarçewa de ma veng danê şaran ke semedê azadîya Rayber Apoyî û statuyê şarê kurdî wa tewrê çalakîyan bibê.”
