KCDK-E eşkerayîye daye û vat ke heme dinya de mîlyonan bi sloganê “Rayber Apoyî rê azadîye û yewîya şarê kurdî” vejîyayî waran û beşdarîye resaye sewîyeya tarîxî.
Sere de Rebstockparkê Frankfurtî ke sahneya beşdarîya tewr xurte ya tarîxî bîye, Berlîn, Fransa, Înglîstan, Awusturya, Danîmarka, Holanda, Swîsre, Swêd, Belçîka, Yunanîstan, Qibris, Kanada û Awustralya de zaf merkezan ra Newroze bi girseyî ameye pîrozkerdene.
Adirê azadîye koyan ver bi şaristanan ame berdene
KCDK-E vat ke adirê azadîye ke gerîlayan koyanê azadan ra bi mîrasê şehîdan tavist, pîrozkerdişanê Newroze yê şaristanan de zî mohrê xo da piro. Heme waran ra sloganê “Bijî Serok Apo”, “Jin Jiyan Azadî” û “Yekîtîya Gelê Kurd” ameyî eştene.
Pêşengîya cinîyan û ciwanan de atmosfero dînamîk ke Newroze de mohrê xo da piro, renginîya cilanê neteweyîyan û gedeyê ke bi renganê kurdan xemilnaye bîyê, pîrozkerdişan rê coşêko cîya da.
Newroze bîye dîyarkerdişê îradeyê yewbîyayîşê neteweyî
KCDK-E vat ke Newroze na serre tena ameyîşê wisarî ney eynî wext de dîyarkerdişê îradeyê yewbîyayîşê neteweyî yê şarê kurdan bî ke dormeyê azadîya Rayber Apoyî de yew bîyo. Beşdarîya rekore nîşan da ke şarê kurdan seba yewbîyayîşê neteweyî amade yo.
KCDK-E peynîye de vat: “Ma sey KCDK-E sere de Frankfurt heme merkezanê Ewropa, Kanada û Awustralya de se hezaran û mîlyonan kesan ke îradeyê yewbîyayîşê demokratîkî rê wayîr vejîyayî bi zerrîye silam kenê û sipas kenê. Adirê Newroze ke bi şîarê azadîya Rayber Apoyî, yewbîyayîşê demokratîkî û wayûbiratîya şaran panîyayo, do bibo hêvîya hempare ya heme şaran ke rayîrê azadîye ra aver şinê.
Bijî Serok Apo! Bijî Yekîtîya Gelê Kurd! Jin Jiyan Azadî!”
