Keyeyê Rayberê Şarê Kurdî Abdullah Ocalan û 3 girewteyanê bînan seba pêvînayîşê Roşanê Remezanî şîyê Îmrali. Keyeyî pêvînayîşî ra pey girawe ra agêrayê.
Tecrîdo ke Rayberê Şarê Kurdî Abdullah Ocalan û girewteyanê bînan Omer Hayrî Konar, Hamîlî Yildirim û Veysî Aktaşî ser o yo, dewam keno. Demêko derg ra pey birayê Abdullah Ocalan Mehmet Ocalan û birazayê ey Omer Ocalan, waya Veysî Aktaş Sabîha Aslan, birayê Omer Hayrî Konar Alî Konar, birayê Hamîlî Yildirim Polat Yildirim ewro serê sibayî seba pêvînayîşê Roşanê Remezanî şîyê Îmrali. Keyeyî dima ke Îmrali de pêvînayîş kerd, agêrayê. Yeno zanayene ke saetanê averî de derheqê pêvînayîşî de agahîyan pare bikerê.
