Goristanê endamanê PKK’î ya Hecîyan a Nisêbînî bi destê eskeran amebî weşanitene. Nika zî bîyo keyeyî wazenê ke mezelanê qicanê xo newe ra virazê la belê esker îzne nêdano.
15ê Tebaxa 1984an de gerîlayên Partîya Karkeran a Kurdistanî (PKK) qezaya Dihê ya Sêrtî de çalakîya yêwîne a çekan kerde. Serê a çalekîye ra 41 serrî vêrdî ra. Mîyanê nê serran de zaf kesan nê şerî de weşîya xo dest dê. 17 hezarî kesê Kurdî û dostê kurdan bi hetê endamanê JÎTEM û Hîzbî Kontra ra ameyî kiştene. Tayê rayan ke endamanê PKK yî mîyanê şerî de weşîya xo dest dêne eskeran û qoricîyan newirdêne keyeyî şorê cenazayanê xo bîyarê. Hêzanê dewlete nê cenazayî girewtêne henî komî kerdêne hard. Zaf dewijî zî ameyê remnayene, kiştene û komî wedartene. 2013-14an de keyeyî cenazayanê xo ra dîyarî bî û zaf herêman de goristanî viraştî û cenazayê xo nê goristanan de kom kerdî. Dewlete tehemul nîşanê nê goristanan nêda û pê destê esker û qoricîyan kemerê nê mezelan pêrune şikit.
Kerayê goristanê Hecîyan şikitî
Nê goristanan ra yew zî goristana Hecîyana. Na goristane herêma şariştanê Mêrdînî de mîyanê sinoranê qezaya Nisêbîne de ra. 2015an ra dime hêzanê dewlete çend defî hêrîşê nê goristanî kerd û bi sedan mezelan ra yewe payra nêverdê. Ameyîş û şîyayîşan rê zî ame girewtene. Kemerê serî yê ke ser ro nameyê kesan nuşteyo pêroyê înan şikitê û durî eştê. Aye ra keyeyî cayê mezelanê xo nêeşkenê bivênê. Wayîrê nê mezelan wazenê ke endî rehet bieşkeyê şorê serê mezelanê xo tewr muhimîye awa ke wazenê newe ra mezelanê qicanê xo virazê û yew name bidê ser.
