Hemsereka Partîya Herêman a Demokratîke Çîgdem Kiliçgun Uçare Qirkedişê Çorumî ser eşkerayîye dê û va: “Ma reyna veng danîme îqtîdarî ke wa nê qetlîyamî de bêro têrî û pêro raştîyan eskera bikero.”
Hemsereka Partîya Herêman a Demokratîke (DBP) Çîgdem Kiliçgun Uçare Qirkedişê Çorumî ser hesabê partîye de yew eşkerayîye dê û venga dewlete da va: “Ma reyna veng danîme îqtîdarî ke wa nê qetlîyamî de bêro têrî û pêro raştîyan eskera bikero.”
Eşkerayîye wina ya:
“Qirkerdisê Çorumî ser o 45 serrî verdî ra, homa dejê elewîyan vîrê ma ra nêsono. Tayê ameyî qirkerdene, tayê dirbetin bîyî, ban û dikanê tayênan ameyî talankerdene. Ê raştê her tewr zulm û şîdetî ameyî.
Destê qilêrinê ke Mereş, Sêwas û Gazî de bi desan elewîyî qir kerdî, Çorum de kî wezîfeyê xo ard ca û qetlîyamêko sîstematîk viraşt.
Ma reyna veng danîme îqtîdarî ke wa nê qetlîyamî de bêro têrî û pêro raştîyan eskera bikero. Taloqkerdis û xecelnayîs dejê elewîyan hîna zêde xorîn keno, hêvîya sar û bawerîyan a cuya hempare serobin keno.
Ez têkoşînê elewîyan ê heqdar û qedrberzî zerrî ra silam kon, înanê ke Çorum de ameyî qirkerdene reyna yad kon.”
