Hemserekê HDP’î Cahît Kirkazak aşkera kerd ke Birêz Ocalan seba çareserîya na meseleye heme partîyan ra fikrê xo bar kerd, ewro çikê kewenê ser milê şarê kurd, na pêvajoye de xebatê xo hîna bi girseyî kerdêne yo û hem nexşereya hem zî muxatabê pêvajoye dîyar o.
21ê Hazîrana 2021î de ser waştişê Dozgerîya Mehkemeya Berze, Mehkemeya Mekaqanûnî (AYM) doza padayişê HDP’î qebûl kerd. HDP Weçînayişê 2015î de bi humara 80 wekîlî kewtbî Meclîsî û bibî partîya muxalefetî ya diyine ya girde. Bi HDP’î zaf hûmarî de temsîlkarê şar û ziwanî temsîlîyetîya xo Meclîsî de ardbî ca.
Heyetê DEM Partîye ke pêvajo nika aver beno, no dem Heyetê HDP’î bî. Çi heyfo ke doza padayişî ra pey, HDP’î xo pasîfîze kerd. Nika rol û mîsyonê HDP’î, DEM Partîye ana ca. Bi heyetê DEM Partîye mesajê Rayberê PKK’î Abdullah Ocalan resano raya pêroyî ya Tirkîya. Nika her kes benda mesaj û aşkerayê Rayberê PKK’î Abdullah Ocalanî yo.
Hemserekê HDP’î Cahît Kirkazak ajansê ma rê pêvoje ke aver şona ercna.
Estbîyayişê kurdan qebûl kerd
Hemserekê HDP’î Cahît Kirkazak va ke bi raştî geşedanê peynî pê yenê, pêvînayişê Birêz Abdullah Ocalan û pêvînayişê partîyê sîyasî seba ameyox û çareserîye avzel ê û wina va: “Seserra ke dewleta yewpereste, bi rêbazê tundî waşt ke kurdan çin biko. Ame astêke rayedarê dewleta yewpereste estbîyayişê kurdan nêçare qebul kerd.”
Kirkazak bal ant têkoşînê şarê kurd ser o û wina dewam kerd: “Nê 50 serrê ke şarê kurd, seba çareserîya na babete Birêz Ocalan muxatab nîşan dano û Birêz Ocalan xo ra îrade hesibneno. Dewleta Tirke ewro hesabkerdişê şarê kurd û îradebîyayişê Birêz Ocalan qebûl kerd. Çi heyfo ke rayîr û rêbazê Dewleta Tirke demê peynî de bikar anena, seba aştî xizmet nêkenê. Eke xizmet wazîyeno ganî nê geşedanê peynî merdim sey pêvajoyêk name bikero. Pêvajo çîya, nexşereyêk dîyar a. Na mesele senî bêro nîqaşkerdêne, senî bêro netîcekerdêne ganî verpersê ê bibo.”
Vengê Birêz Ocalan resa raya pêroyî rê
Kirkazak dîyar kerd ke ewro dewleta yewpereste, nefseyêko seserre reyde kurdan ra maseyêke rê nêroşena û wina qedîna: “No nêzdîbîyayiş seba çareserî astengêk o. Nika tecrîdê ser Birêz Ocalan kismêk zî bibo ame şiknayiş, vengê Birêz Ocalan raya pêroyî rê resa. Birêz Ocalan seba çareserîya na meseleye heme partîyan ra fikrê xo bare kerd, ewro çikê kewenê ser milê ma, ma na pêvajoye de xebatê xo hîna bi girseyî kerdêne yo û na pêvajo tena bi destê Erdogan û dewleta yewpereste aver nêşono.”
