Aktîvîsta TJA’yî Gultan Kişanak a bal ant ser mesajê Abdullah Ocalan û wina va: “Wa êdî tecrîdê Îmraliyî bêro hawanayîş û Birêz Ocalan sey mîmarê aştîye hereket bikero.”
Amed de TJA’î bi şîara “Cinîyan verba qirkerdişê serehawananê, azadî ra meşîyenê” Warê Îstasyonî de mîtîngêk viraşt. Rayîrê ke warê mîtîngî ra şonê, hetê polîsan bi barîkatê ameybî girewtiş. Cinîyan warê mîtîngî de kom bîyê û bi siloganê “Jin jiyan azadî” warê mîtîngî ra meşyayê.
Warê mîtîngî, bi rengê binefşî xemilnayê, cinîyan warê mîtîngî ra bi cilê û bergê netewî kewtê warê mîtîngî, “Cinîyan rîyê xo açarnenê Roje ra”, “Kam xo rêxistin biko, azad beno, azadbîyayîş weşî yo”, “Cinîyan azadî wisarî ra kirişenê, azadî şîn kenê” pankart elaqnayê.
Ewilî hemşaradarê merkezî û qezayê Amedî yê cinî û sîyasetmedarê kurd vengê ser sehneyî ame kerdene.
Hemşaredara Şaristanê Girde ya Amedî Serra Bucak ewilî qise kerd û girse silam kerd. Serra Bucak a bal ant ser mesajê Rayberê Şarê Kurd Abdullah Ocalan û wina va: “Ma cinî seba ke no mesaj bedilnê aştîye ewta de yê. Ma pîya aştîye biqîrê, verba şer ma do aştîyêka bi rûmet bipawê.”
Peynî zî Dayîkê Aştîye kevokan firnayê hewayî.
Dayîk Kudret Eryilmaz ser nameyê dayîkê aştîye qise kerd û wina va: “Ma na roje temamê dayîkê zerrîşewat, tepişteyê ke hepisxaneyî de yê pîroz kenê. Hêvî kenê na roj biba wesîleya aştî û hêsirê çimê dayîkan bivinderê.”
Aktîvîsta TJA’yî Gultan Kişanak zî dîyar kerd ke peynîya 8 serran hewna waran de yê û wina va: “Ma mîyanê dêsan de fek azadî ra veranêda. Bila her kes na raştî bivîna ke têkoşînê azadîye ya cinîyan zerrîya înan de ya. Ez Leyla Guven, Ayşe Gokkan û Fîgen Yuksekdag heme cinîyan silam kena.”
Gulten Kişanak bal ser mesajê Rayberê Şarê Kurd Abdullah Ocalan û wina qedîna: “Birêz Ocalan verba polîtîkayê şer ê yenê ferzkerdiş, vengdayîşê aştî û komelo demokratîk kerd. Ma ewta ra vendayîşê ey silam kenê. Hawanayîşê tecrîdê Îmraliyî de akerdişê berê aştîye yê Rojhîlatê Mîyanên o. Seba ke ma komelo demokratîk awa bikerê, wa ma cinîyan bikerê vîn, ma vindertişê xo yê azadî û aştîye gird bikerê. Wa cinîyê vîna xo ronê werteyî. Bimeşê; cinîyê ciwan bimeşê ver bi azadîye, seyyewbînanîye û aştîye, bimeşê ke ma zî bi şima rê bimeşê.”
